எந்தன் வியப்பு!!

பச்சைக் கிளிக்கு சிவந்த மூக்கை
செதுக்கி வைத்தவர் யாரோ?
பாடும் குயிலுக்கு இனிய குரலை
கொடுத்து வைத்தவர் யாரோ?
அழகிய மானுக்கு புள்ளிகள் வைத்து
அழகு செய்தவர் யாரோ?
ஆடும் மயிலுக்கு அழகாய் தொகையை
பின்னி வைத்தவர் யாரோ?
மலைகளில் மகிழ்வுடன் மரங்களை கொண்டு
இறக்கி வைத்தவர் யாரோ?
மாண்புடன் தரைகளில் பச்சை புல்லை
பரப்பி வைத்தவர் யாரோ?
கனிவுடன் சொற்களில் இனிமையை நமக்கு
கலந்து வைத்தவர் யாரோ?
களிப்புடன் உண்ணும் உணவின் சுவையை
கூட்டி வைத்தவர் யாரோ?
கயல் விழிதனிலே ஒளியினை வைத்து
காண வைத்தவர் யாரோ?
தாயேனும் உணர்வினில் அன்பினைக் கொட்டி
தேக்கி வைத்தவர் யாரோ?
தானாய் கனிந்திடும் கனியினில் தனியொரு
சுவையினைக் கலந்து வைத்தவர் யாரோ?
கருவினில் சேயையும் கல்லினுள் தேரையும்
கருத்துடன் வளர்ப்பவர் யாரோ?
வீணையில் நாதமும்,மலரினில் வாசமும்
வழங்கிய வள்ளல் யாரோ?
இயற்கை அழகை வாரி வழங்கி
இன்பம் தந்தவன் எவனோ
இன்னும் தருவான் என்றும் தருவான்
ஏற்றி அவன் தாள் பணிவோம்.

Comments

Post a Comment

Popular posts from this blog

சொல்விளையாட்டு 1

1.மறதி ஒன்றை மறந்தது , நிலவு அங்கு தெரிந்தது ... 2.கோயில் நடுவே ஈ பறந்து போனது முடவன் நடக்க உதவி கிடைத்தது ..... 3.மந்தியிலும் நிலவுண்டு மறதியிலும் புத்தி உண்டு . கண்டுபிடி ....... 4.கால்தனை நீக்கி நாய்தனை அடிக்கலாம் .அது என்ன ? 5.வாலில்லா ஆட்டின் கூட மூடியில்லா பானை சேர அதன் மேல் முடிதாங்கிய அரசர் அழகுடன் பவனி வருகிறார் .... 6.விரல் நடுவே உடைந்து வேடனுக்கு உதவியது எப்படி? விடை
Read more

சொல்விளையாட்டு 3

1)காலில்லா நாகமதை நளினி வளர்க்கிறாள் கையில்லா பாகைதனை பட்டு எழுதினால் இவை என்ன ? 2)கவலையின் சொந்தம் கலைஞனுக் குள்ளது வேடனுக்குறியது கவலையில் இருக்குது .அவை என்ன ? 3)கண்ணுக்கும் கருத்துக்கும் முதலானது சொல்லுக்கும் வில்லுக்கும் கடையானது இரண்டும் ஒன்றாகி எதிரில் இருந்தபோது நான் சென்று பட்டுக் கொண்டு அது என்னை இடித்ததென்றேன்.அது என்ன? 4)பூவிலும் கட்டலாம் பொழுதையும் குறிக்கலாம் காலதனை நீக்கினால் கந்தன் குடியாகலாம் கடைதனைப் போக்கினால் பெரியதைக் குறிக்கலாம் மறை பொருள் கொண்டுமே புதிர்தனை கூறினேன் விரைவிலே நீயுமே விடைதனை கூறுவாய்! விடை
Read more

விடுகதைகள் (ஒன்று)

என் அம்மா விடுகதை சொல்லுவதில் வல்லவர்.அதுமட்டும் இல்லை, விடுகதை கணக்கு , சொல்விளையாட்டு போன்றவையும் இவர்களின் தனிச்சிறப்பு. இதை கேட்டுத்தான் நான் வளர்ந்தேன்.அம்மாவின் ஒரு டைரியை மட்டும் தான் என்னால் எடுத்து வரமுடிந்தது ...சொல்லபோனால் என் அம்மாவுக்கு ஒரு சின்ன துண்டு காகிதம் கிடைத்தால் பொது அதிலும் எதாவது கிருக்கிவிடுவார் . அம்மாவின் விடுகதை முத்துசரத்தில் கிடைத்த சில முத்துக்கள் இதோ..... 1.முக்காடு போட்ட பெண் முகத்திரையை விலக்கினால் முத்து முத்து பல்வரிசை முகமெல்லாம் மின்னுது அது என்னா? 2.மேனியெங்கும் கத்திகட்டி மேல்லியனார் கோட்டையிலே தாழம்பூ மேனிகொண்ட தென்மொழியைக் கண்டதுண்டோ? அது என்ன? 3.காலில்லா தூதப்பன் போகாத ஊரில்லை வாங்காத குத்தில்லை .இவன் யார்? 4.கண்ணுண்டு காலில்லை தலையுண்டு உடம்பில்லை என் உள்ளமஎல்லாம் வெள்ளை .நான் யார்? 5.நன்றாக படம் எடுக்கும் என் எதிரில் யாரும் நிற்பதில்லை.நான் யார்? 6.சிங்கார சிறுக்கியவள் சிரித்தால் சிரித்திடுவாள் அழுதால் அழுதிடுவாள் .அவள் யார்? 7.விதை போடாத பயிர் ஒன்னு வெட்டவெட்ட வரருதடி . அது என்னா? 8.கண்ணை சிமிட்டும் கடழகியர் கூட்டத்தில் கண்ணிமைத்து மூடாது
Read more